தெரிந்து கொள்ள முடியா மனம்

ராணி சம்பந்தர் எத்தனை தரம் நடந்து நடந்து கடந்தாலும் ஒருபோதுமே அண்டவெளியை அளக்க முடிவதில்லையே இத்தனை மாந்தரைப் பற்பல தடவை வாழ்வில் சந்தித்தும் நெஞ்சில் என்ன இருக்கிறது என இயந்திரங்கள் எதிலுமே அது தெரிவதில்லையே நிலை மாறும் உலகில் அலை பாயும் மனதில் வலை பின்னும் மூளை குதப்பி கலையும் கனவு கூடப் புரிவதில்லையே சோகம் ,மகிழ்வு என்று அனைத்தும் ஆராய அத்தனையிலும் நீண்ட பெருமூச்சுக் கூடத் தங்குவதில்லையே .