அபிராமி கவிதாசன்

சந்தம் சிந்தும் சந்திப்பு வாரம்-279. தலைப்பு! "விடியுமா தேசம்" ............. எங்கட தேர்தல் முடிந்தது - இன வாதம் மீண்டும் நிமிர்ந்தது! சங்கடம் தீருமா நாளை? - அட விடியுமா தேசம் காலை ? எந்த உரிமையும் இல்லை - தமிழ் பேசியதால் வந்தது தொல்லை! தலைவர் ஆண்டார் நன்று - நாங்கள் மகிழ்ந்தோம் வாழ்வில் அன்று! ஒளிவிடும் நாங்கள் மெழுகு - ஈழ மண்ணில் வாழ்ந்தோம் அழகு! உடைமை உரிமையைப் பறித்தார் - எங்கள் உறவை மண்ணிலே புதைத்தார்! விடியுமா மீண்டும் தேசம் - இன வெறியரால் எல்லாம் நாசம்! புத்தர் போர்வையில் வேடம் - நமக்குக் காட்டினார் காடையர் பாடம்! ஒற்றுமை வேண்டும் நமக்கு - இதை உணர்ந்தால் விடியும் கிழக்கு! தலைமுறை வாழ நினைப்பாய் - தமிழ்க் கல்வியை ஊட்டி வளர்ப்பாய்! இளமைத் துடிப்பில் இருப்பாய் - தமிழ் இனத்தை உயர்த்த உழைப்பாய்! ஐநா மன்றில் கோரிக்கை - ஈழம் அடைய உயர்த்துவோம் கோடிக்கை! தேசிய விடுதலை தோற்குமா?- தமிழர் திரண்டால் உலகம் ஏற்குமா? ஆசியாக் கண்டமே அலறுமே - இயற்கை நினைத்தால் ஈழம் மலருமே! நாளை விடியும் தேசமே - தமிழர் இணைந்தால்தாயின் பாசமே! தாய்மொழி தமிழே இணைக்குமே - ஈழம் உறுதியாய் ஓர்நாள் பிறக்குமே! . ஆசிரியர்.. அபிராமி கவிதாசன் .24.09.2024