அபிராமி கவிதாசன்

சந்தம் சிந்தும் சந்திப்பு வாரம்...267 தலைப்பு! "வேள்வி" எங்கள் விடுதலை எங்கே என்பது எங்கள் கேள்வி! - இன மொழி உணர்வை நெய்யாய் ஊற்றி வளர்ப்போம் வேள்வி! செந்நெல் மணிகளும் கன்னல் வயல்களும் சிங்களன் கையிலே - எங்கள் தேசம் முழுவதும் நாச மானது கொடியவன் தீயிலே! அடக்கு முறைகளும் ஒடுக்கு முறைகளும் சொன்னால் கொஞ்சமா ?- சிங்கள அரசின் இனவெறி எங்களின் உயிர்ப்பலி பற்பல இலட்சமே! புத்தனின் போர்வையில் இரத்தம் குடித்தவன் துறவறப் பிக்குவா? - நல் சமத்துவம் அற்றவன் ஆள்வதா இன்று எட்டுத் திக்குமா? கொத்துச் சரங்களாய் எம்மின மக்களை கொன்றவன் காடையன்- தொடர் கொத்தணிக் குண்டினால் செத்து மடிந்திட வைத்தவன் சிங்களன்! நாகராய் இயக்கராய் வாழ்ந்தவர் தமிழரே என்றுபறை சாற்றடா - நம் உரிமைகள் யாவையும் பறித்தவன் சிங்களன் உலகறியக் காட்டடா! அண்ட வந்தவன் அடிமையாய் ஆக்கினான் அறவழி தோற்றது - தலவனின் மறப்படை எழுந்தது மலர்ந்தது ஈழமே - பின் சூழ்ச்சியால் வீழ்ந்தது! முள்ளி வாய்க்கால் தமிழர் பிணமாய் ஆனதுதான் கேள்வி ? - மீண்டும் தனித்தமிழ் ஈழமே விடுதலை படைத்திட வளர்ப்போம் வா!வேள்வி கவிதை -தொகுப்பில் நூல்நயம் போலினிக்கும்-கவிஞர் பாவை அண்ணா - கவிஞர் மதிமகன் அண்ணா இருவருமே விடுதலைக் கென்றே தொடர்க கவிவேள்வி! அபிராமி கவிதாசன். 28.05.2024