முதுமையின் நிகழ்ச்சிகள்
முதுமை வந்து மண்வாழ்வை மொய்த்திடுமே
புதுமையென்று மெய்த்த இளமை பொய்த்திடுமே
தோலும் சுருங்கி தோற்றம் உருக்குலைந்திடுமே
மேலும் தளர்ந்து முதுகுவளைத்து உலவிடுமே
அடி எடுத்துவைக்கத் தடியும் வேண்டும்
நொடிகள்பல போனபின்பே ஒருமுழந் தாண்டும்
கொஞ்சத்தூரம் நடந்தாலே மூச்சு வாங்கும்
மிஞ்சிவிடும் கனத்தால் கால்முட்டிகளும் வீங்கும்
வருத்தங்கள் வந்து தொல்லைகள் கொடுக்கும்
உறுத்தும் நினைவுகள் உறக்கத்தைக் கெடுக்கும்
மலமும் சலமும் சொற்கேளாது தானாகப்போகும்
பலமும் குறைந்த வயோதிபம் நகைப்பிற்கிடமாயாகும்
அடக்கிவிடவே ஆட்டத்தை மூப்பும் வந்துசேரும்
முடக்கியே தனிமைப்படுத்தும்
பார்க்கமாட்டார் யாரும்
உறவாட உறவுகளைத்தேடி உருகியுயிர் துடிக்கும்
இறக்குமுன்பே முதுமை துயரங்களைப் படிக்கும்
ஜெயம்
05-02-2022
