Vajeetha Mohamed

அர்த்தமில்லாத அமைதிகள். அதிகார வெறியர்கள் அவிழ்த்து விட்ட அளவிலாப் பொய்களை அறிவு சார்ந்தோரும் அறிந்தறிந்தே அமைதி காத்து அனுமதித்ததால் அழகு மிகு - எம் அன்னை நாடு - இன்று அழகிழந்து நிற்கிறது அனைவர் முன்பும் இடைவெளி இன்றி இனவெறி - அன்று இதயங்களில் விதைக்கையில் - இன்று இடைவிடாது கருத்தாடுவோர் எங்கிருந்தனர் அமைதிகள் - அன்று ஆர்ப்பாரித்திருந்தால் இளைஞர்கள் - இன்று இரவு பகலாக வீதிதோறும் வீறுகொண்டு வீரிட வேண்டியதில்லை.. அதிகார அடக்கு முறைக்கு அறிவும் ஆற்றலும் தெளிவும் விளக்கமும் அமைதி கொண்டதால் அடுத்தடுத்து வரும் - எம் எதிர்காலப் பரம்பரையும் தலைகொள்ளா கடன்சுமையால் தலைதாழ்த்தி விழிபிதுங்கி பசியோடு பலமிழந்து நிற்கின்றது தரமில்லாத தலைமைத்துவத்தின் ஊறிவிட்ட ஊழல்கள் அர்த்தமில்லா அமைதிகளால் அடங்கிச் சென்றதால் அனைவரும் - இன்று நிதியோடு நீதிகேட்டு - விழி நீர் பெருகி பேதலித்து நிற்கின்றனர் அமைதி அவரவர் அல்லலை அகற்றிடினும் அனைத்துக்கும் அது அர்த்தமே இல்லை