இறைக்கும் பணத்தினால் விழிக்குமா உலகு ?? ??

ரஜனி அன்ரன் (B.A) இறைக்கும் பணத்தினால் விழிக்குமா உலகு? 03.09.2026 தனிமனித மாற்றமே உலகமாற்றம் தனித்தனி மனிதரின் தொடுப்பேஉலகம் தனிமனிதன் மாறும் ஒவ்வொரு நொடியும் தரணியில் அறியாமை இருளும்விலகும் வியர்வைத் துளியில் விளையும்செல்வம் வீண் விரயத்தில் கரையுதே நாளை நல்வாழ்வு தருமெனும் நம்பிக்கை இன்றைய ஆடம்பரத்தில் கசங்குதே ! இறைக்கும்பணத்தால் மெளனமாகிறது நியாயம் ஏறும்மேடைகளில் மழுங்குது திறமை எழுதும்வரலாற்றில் மறைக்கப்படுகிறது உண்மை நடக்கும் பாதையில் தடுமாறுது நேர்மை இத்தனைக்குள்ளும் விழிக்குமா உலகு ? பணபலம் பலதையும் செய்யும் பக்கச்சார்பாய் பொய்ச்சாட்சியும் சொல்லும் பணத்தின்பின்னே ஓடுபவனுக்கு வாழ்வும்தவறும் விரயம் தவிர்த்து வாழத் தொடங்குங்கள் நாளையல்ல...இன்றே விழிக்கும் உலகம் ! https://www.youtube.com/watch?v=4xjFNiiLVNU