ஆகாய வெளியில்..

வியாழன் கவி -2322 ஆகாய வெளியில்.. அண்ணாந்து பார்க்கத் தோன்றும் ஆகாய வெளியில் எத்தனை கோலம் விண்ணுந்துப் பாதை விரைந்திடும் விசையொடு பயணத்தின் ஆசை.. கண்கொண்டு பார்த்திட நிலா கனவுகள் கலைத்தெழும் கதிரவன் மண்பார்த்து சிரிக்கும் விண்மீன் மயக்கும் ஜாலங்காட்டு வண்ணங்கள்… காலை மாலை அதிசய அரங்கம் கரையும் புள்ளின ஓசை அதிசயம் வானவில் நெளிவில் நளினம் வரைந்திடும் அழகியல் சுரங்கம்.. சுழலும் கோள்களின் இயங்கு வேகம் வெற்றுக் கண் பார்த்திடா சோகம் கருமையும் வெண்மையும் காதல் கருத்தினில் பதியுமே இத்தனை சாயல்.. சிவதர்சனி இரா 16/4/2026