Logo
Sunrise செய்தி உடன் உடன் செய்தி E-Paper. “நீங்களும் செய்தியாளராகலாம்”

கனேடிய மாட்டிறைச்சி இறக்குமதியை சீனா, பிலிப்பைன்ஸ் நாடுகள் நிறுத்தியுள்ளன

கனடாவில் கால்நடைகளில் BSE என்ற விசித்திர நோய் பரவல் கண்டறியப்பட்டதை அடுத்து, கனேடிய மாட்டிறைச்சி இறக்குமதியை சீனா, பிலிப்பைன்ஸ் நாடுகள் நிறுத்தியுள்ளன.

கடந்த மாதம் ஆல்பர்ட்டாவில் உள்ள பண்ணை ஒன்றில் கால்நடைகளுக்கு BSE என்ற நோய் பரவல் கண்டறியப்பட்டது.

ஆண்டுக்கு சுமார் $170 மில்லியன் மதிப்புடைய சீன சந்தையானது கனேடிய மாட்டிறைச்சித் தொழிலின் மூன்றாவது பெரிய ஏற்றுமதி சந்தையாகும். சீனா முன்னெடுத்துள்ள அதே நடவடிக்கையை தென் கொரியா மற்றும் பிலிப்பைன்ஸ் நாடுகளும் முன்னெடுத்துள்ளன.

BSE என்ற நோய் பரவலானது கடந்த 6 ஆண்டுகளில் கனடாவில் இது முதல்முறை என தெரிவிக்கப்பட்டுள்ளது.

கால்நடைகளில் BSE என்ற நோய் தொற்றானது மனிதர்களுக்கு எவ்வித பாதிப்பையும் ஏற்படுத்தாது என்பது மட்டுமின்றி, இது பரவும் வியாதியல்ல எனவும் நிபுணர்கள் தரப்பில் தெரிவிக்கப்பட்டுள்ளது.